კათოლიკური ეკლესიის იმ წარმომადგენლებს, რომლებიც ეთნაირსქესიანთა წყვილების კურთხევის წინააღმდეგი არიან, საკითხი სრულად არ ესმით და „მახინჯი დასკვნები“ გამოაქვთ -რომის პაპი

114
spot_img

რომის პაპმა ფრანცისკემ ეთნაირსქესიანთა წყვილების კურთხევის შესახებ მიღებული საკუთარი გადაწყვეტილება სატელევიო ეთერის დროს დაიცვა.

მისი თქმით, კათოლიკური ეკლესიის იმ წარმომადგენლებს, რომლებიც მსგავსი კურთხევის წინააღმდეგი არიან, უბრალოდ „მახინჯი დასკვნები“ გამოაქვთ, რადგან მათ საკითხი სრულად არ ესმით.

„ზოგჯერ გადაწყვეტილებები არ არის მისაღები, მაგრამ უმეტეს შემთხვევაში ეს იმიტომ ხდება, რომ ის არ არის გააზრებული. თუ გადაწყვეტილება არ მოგწონს, წადი და ისაუბრე მასზე. გამოთქვი შენი ეჭვები და ჩაერთე დისკუსიებში. მხოლოდ ასე შეიძლება წინსვლა“, – აღნიშნა რომის პაპმა.

აღსანიშნავია, რომ ვატიკანის მიერ გამოცემულმა ამ დეკლარაციამ ფართო დებატები გამოიწვია კათოლიკურ ეკლესიაში. განსაკუთრებით კი აფრიკის ქვეყნებში, სადაც ეპისკოპოსებმა ნება არ დართეს მღვდლებს, აღესრულებინათ დეკლარაციაში გაწერილი კურთხევა.

ვატიკანის მიერ 18 დეკემბერს გამოცემული დეკლარაციით, რომის პაპმა ფრანცისკემ ნება დართო კათოლიკური ეკლესიის მღვდლებს, დალოცონ ერთნაირსქესიანი წყვილები. პაპის განცხადებით, კურთხევა არ უნდა იყოს რეგულარული საეკლესიო რიტუალების ნაწილი.

დოკუმენტში ასვევე აღნიშნულია, რომ ერთნაირსქესიანთა წყვილების დალოცვა არ ნიშნავს ერთნაირსქესიანი წყვილების ქორწინების კურთხევას. ვატიკანი ქორწინებად განიხილავს კავშირს ქალსა და მამაკაცს შორის.