კანადის ჩრდილოეთ ნაწილში, ტყის ხანძრის გამო, 20 ათასი მოსახლის სავალდებულო ევაკუაცია მიმდინარეობს.
ცეცხლი რეგიონში ყველაზე დიდ ქალაქს, იელოუნაიფს უახლოვდება.
კანადის საგანგებო სიტუაციების მართვის სამსახურის ცნობით, ქვეყნის ჩრდილო-დასავლეთ ნაწილში ცეცხლის 200-ზე მეტი კერა გაჩნდა. სახანძრო სამსახურის თანამშრომლებს სტიქიასთან გამკლავება ძლიერი ქარის გამო უჭირთ.
რეგიონში საგანგებო მდგომარეობაა გამოცხადებული.
