დასავლეთ კანადის პროვინცია ალბერტაში, ტყის ხანძრის გამო საგანგებო მდგომარეობა გამოცხადდა. ამ დროისთვის, საცხოვრებელი სახლის დატოვება 25 ათას ადამიანს მოუწია.
ხანძრას ასზე მეტი კერა აქვს და ალბერტას პრემიერ-მინისტრმა დანიელ სმიტმა სიტუაციას „უპრეცედენტო“ უწოდა. მისი თქმით ამდენი კერა ცხელი და მშრალი გაზაფხულის გამო გაჩნდა. ამ დროისთვის დაახლოებით 122 000 ჰექტარია დამწვარი. ცეცხლის გაძლიერებას ძლიერი ქარიც უწყობს ხელს.
ყველაზე მეტად დაზარალდა დრეიტონის ველი, პროვინციის დედაქალაქ ედმონტონიდან დასავლეთით დაახლოებით 140 კილომეტრში და ფოქსის ტბა, ქალაქიდან ჩრდილოეთით დაახლოებით 550 კილომეტრში, სადაც 20 სახლი დაიწვა.
მობილიზებულია სახანძრო ვერტმფრენები და საჰაერო ტექნიკა.
ქალაქ ედმონტონის ერთ-ერთ საგამოფენო ცენტრ ში 1000-ზე მეტი ევაკუირებულია განთავსებული, ასევე დროებით თავშესაფრად გადაკეთდა მოედანიც.
ალბერტა ნავთობის მწარმოებელი მთავარი რეგიონია. ჯერჯერობით ნავთობის ობიექტებს საფრთხე არ ემუქრება.
