ავიაკომპანიები პილოტების ხელოვნური ინტელექტით ჩანაცვლებაზე ფიქრობენ

137
spot_img

ავიაკომპანიები პილოტების ხელოვნური ინტელექტით ჩანაცვლებაზე ფიქრობენ . ინფორმაციას უცხოური მედია ავრცელებს.

„ხელოვნურ ინტელექტს დიდი გავლენა ექნება საავიაციო ინდუსტრიაზე და ამან შეიძლება მოიცვას პილოტების ჩანაცვლებაც”, – განაცხადაEmirates-ის პრეზიდენტმა ტიმ კლარკმა.

ეს შეიძლება შემაშფოთებელი იყოს მათთვის ვინც კაბინაში პილოტების ყოფნას მიეჩვია და სხვანაირად ვეღარ წარმოუდგენია. თუმცა, ავიაკომპანიებისთვის ეს ასე აღარაა და ისინი ტექნოლოგიების განვითარებასთან ერთად, პილოტების ჩანაცვლებაზე აქტიურად ფიქრობენ.

გასათვალისწინებელია, რომ ჯერ კიდევ 1950-იან წლებში, კაბინაში ხუთკაციანი ეკიპაჟი იყო: ნავიგატორი, ფრენის ინჟინერი და რადიოოპერატორი ახლა პილოტებს აღარ სჭირდებათ. ტექნოლოგიის გაუმჯობესების პარალელურად, ეკიპაჟის სამმა წევრმა დაკარგა ადგილები და როგორც ჩანს, ახლა კიდევ ერთი პილოტის ჯერია.

თვითმფრინავი პილოტის გარეშე?

ფრენისას ორი პილოტის ფაქტორი მნიშვნელოვანია იმ შემთხვევაში, თუ ერთ-ერთი მათგანი შეუძლოდ გახდება. თუმცა, ტექნოლოგიის განვითარების პარალელურად, ხელოვნური ინტელექტის გამოყენება შესაძლებელი იქნება თვითმფრინავის აეროპორტში დასასმელადაც.

თვითმფრინავები უკვე იყენებენ კომპიუტერებს ამოცანების ავტომატიზაციისთვის. ავტოპილოტები აკონტროლებენ თვითმფრინავს ფრენების გარკვეულ ხანგრძლივობას. და აი ახლა, თვითმფრინავების მწარმოებლები იკვლევენ, შეუძლია თუ არა AI-ის უფრო მეტი როლი შეასრულოს. ასეთ შემთხვევაში, თვითმფრინავის კაბინაში მხოლოდ ერთი ადამიანი იქნება საჭირო.

ამ მხრივ, საინტერესოა ავტონომიური საჰაერო ტაქსები. ამ ტექნოლოგიის გამოჩენას საზოგადოებაში ავტოპილოტირებადი ტექნოლოგიის მიმართ ნდობის დათესვა შეუძლია. თუმცა, ამას შეიძლება დრო დასჭირდეს და მოიცდიან თუ არა ამდენს ავიაკომპანიები, ეს არ ვიცით.

მიუხედავად ამისა, სავარაუდოა, რომ თვითმფრინავში ერთი პილოტი მიანც დარჩება. მაგრამ აქ შეკითხვა შემდეგია: რამდენი ხანი შემორჩება ეს ერთი პილოტი კაბინაში?