აშშ-ის სახელმწიფო მდივანმა ენტონი ბლინკენმა ვაშინგტონში, ევროკავშირის უმაღლეს წარმომადგენელს
საგარეო საქმეთა და უსაფრთხოების პოლიტიკის საკითხებში ჯოზეფ ბორელს უმასპინძლა.
შეხვედრაზე მათ ევროკავშირისა და აშშ-ის შორის პარტნიორობის შემდგომი გაძლიერების გზები განიხილეს. მათ ასევე ახლო აღმოსავლეთში, უკრაინაში, ჰაიტისა და ვენესუელაში არსებულ ვითარებაზე, ასევე ერთობლივ საგარეო და უსაფრთხოების პრიორიტეტებზე ისაუბრეს.
“ჩვენ აგრესიული რუსეთის წინაშე ვდგავართ, რომელიც არ გაჩერდება; თავდაჯერებული ჩინეთი, რომელიც უფრო და უფრო მტკიცე გახდება; სამხედრო აღება საჰელში – ვიცი, რომ დღეს ნიგერში გყავთ დელეგაცია; კრიმინალური დაჯგუფებები, რომლებიც ებრძვიან ხელისუფლებას ჰაიტიში – თქვენ კიდევ ერთხელ თამაშობთ მნიშვნელოვან როლს მსოფლიოს ამ ნაწილში; და ცენტრალური და სამხრეთ ამერიკა დიდ უბედურებაშია.
უკრაინა ჩვენთვის, ევროპელებისთვის, და თქვენთვის, ჩვენი საერთო უსაფრთხოებისთვის ყველაზე დიდი და დაუყოვნებელი საზრუნავია. აგრესორი რუსეთი არ გაჩერდება. უნდა შევაჩეროთ. თქვენ ბევრს აკეთებთ; ჩვენც ბევრს ვაკეთებთ. ვფიქრობ, ორივეს კიდევ უფრო მეტის გაკეთება შეგვიძლია იმისათვის, რომ მხარი დავუჭიროთ უკრაინელებს ამ ძალიან რთულ დროს.” – განაცხადა ბორელმა.
