ჯო ბაიდენის კორტეჟს ავტომობილი დაეჯახა

57
spot_img

დელავერის შტატში, უცნობი ავტომობილი აშშ-ის პრეზიდენტის ჯო ბაიდენის კორტეჟს დაეჯახა, როდესაც ბაიდენების ოჯახი წინასაარჩევნო შტაბს ტოვებდა. ჯო ბაიდენი და მისი მეუღლე არ დაშავებულან.

 

ამის შესახებ  Reuters წერს.

ინციდენტის თვითმხილველების თქმით, ვერცხლისფერი სედანი დელავერის სანომრე ნიშნებით, დაეჯახა მანქანას, რომელიც პრეზიდენტის ავტოკოლონას იცავდა, როცა ბაიდენი საარჩევნო შტაბიდან თავისი დაჯავშნული ავტომობილისკენ მიდიოდა. შემთხვევა ქალაქ უილმინგტონში მოხდა.

ინციდენტის შემდეგ სედანმა მოძრაობის გაგრძელება სცადა, მაგრამ პრეზიდენტის უსაფრთხოების სამსახურმა ამის შესაძლებლობა არ მისცა.

ბაიდენი ჩასვეს მანქანაში, სადაც  უკვე იჯდა მისი მეუღლე და სწრაფად წაიყვანეს უილმინგტონში მდებარე სახლში.

გავრცელებული ინფორმაციით, საპრეზიდენტო წყვილი უსაფრთხოდაა. ინციდენტის შემდეგ ამერიკის პრეზიდენტის განრიგში არაფერი შეცვლილა.