“ისრაელს უფლება აქვს, დაიცვას თავისი მოქალაქეები „ჰამასის“ თავდასხმებისგან” – ენტონი ბლინკენი

124
spot_img

აშშ-ის სახელმწიფო მდივანი, ენტონი ბლინკენი ისრაელის საგარეო საქმეთა მინისტრს, ელი კოენს ტელეფონით ესაუბრა და ისრაელის მიმართ აშშ-ის მხარდაჭერა კიდევ ერთხელ დაადასტურა.

„ვესაუბრე ისრაელის საგარეო საქმეთა მინისტრს, ელი კოენს იმის შესახებ, თუ როგორ უჭერს მხარს აშშ ისრაელს, რომელიც „ჰამასის“ ტერორისტული თავდასხმისგან იცავს თავს და დავადასტურე მცდელობები ყველა მძევლის დაუყოვნებლივ გათავისუფლების უზრუნველსაყოფად“, – წერს ბლინკენი სოციალურ ქსელში.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.