“ისრაელმა ექსპანსიონისტურ ამბიციებზე უარი უნდა თქვას” – რეჯეფ თაიფ ერდოღანი

19
spot_img

ისრაელმა ექსპანსიონისტურ ამბიციებზე უარი უნდა თქვას, – ამის შესახებ თურქეთის პრეზიდენტმა, რეჯეფ თაიფ ერდოღანმა დუბაიში, მსოფლიოს მთავრობათა სამიტზე სიტყვით გამოსვლისას განაცხადა.

„თუ ისრაელს გრძელვადიანი მშვიდობა სურს, მან თავისი ექსპანსიონისტური ამბიციების განხორციელება უნდა შეწყვიტოს და 1967 წლის საზღვრებზე დაფუძნებულ დამოუკიდებელი პალესტინის სახელმწიფოს არსებობას უნდა დათანხმდეს“, – განაცხადა რეჯეფ თაიფ ერდოღანმა.

ერდოღანმა აღნიშნა, რომ თურქეთი მზად არის ისრაელსა და პალესტინას შორის არსებული კონფლიქტის მოგვარების პროცესში შუამავლის როლი შეასრულოს.

„ჩვენ მზად ვართ პასუხისმგებლობა ავიღოთ, მათ შორის, როგორც პროცესის გარანტორისა და შუამავლის. ჩვენს პალესტინელ ძმებსა და დებს არასდროს მივატოვებთ“, – აღნიშნა თურქეთის პრეზიდენტმა.