“ისრაელის ტრანსპორტის მინისტრთან საუბარში ცალსახად დავგმე ტერორიზმი და გამოვხატე სოლიდარობა” – პრეზიდენტი

72
spot_img

პრეზიდენტმა სალომე ზურაბიშვილმა ისრაელის ტრანსპორტისა და საგზაო უსაფრთხოების მინისტრ მირი რეგევთან საუბრისას, კიდევ ერთხელ გამოხატა საქართველოს სოლიდარობა ისრაელის მიერ თავისი ტერიტორიების დაცვისათვის გაწეული ძალისხმევის მიმართ.

ამის შესახებ სალომე ზურაბიშვილი „ტვიტერზე“ წერს.

პრეზიდენტის თქმით, მინისტრთან საუბრისას დაგმო ტერორიზმი და მძევლების უსაფრთხო გათავისუფლებისა იმედი გამოთქვა.

„ვესაუბრე ისრაელის ტრანსპორტისა და საგზაო უსაფრთხოების მინისტრ მირი რეგევს.

ცალსახად დავგმე ტერორიზმი, კიდევ ერთხელ გამოვხატე ჩვენი სოლიდარობა ისრაელის მიერ თავისი ტერიტორიების დაცვისათვის გაწეული ძალისხმევის მიმართ.

იმედი გამოვთქვი მძევლების უსაფრთხო გათავისუფლებისა და სწრაფი ჰუმანიტარული ქმედებების მიმართ, რომლებიც უზრუნველყოფენ ყველა მშვიდობიანი მოქალაქის, განსაკუთრებით, ქალებისა და ბავშვების უსაფრთხოებას“, – წერს ზურაბიშვილი ტვიტერზე.