ისრაელის თავდაცვის მინისტრმა ქვეყანაზე „ჰამასის“ თავდასხმაზე პასუხისმგებლობა საკუთარ თავზე აიღო

143
spot_img

ისრაელის თავდაცვის მინისტრმა, იოავ გალანტმა 7 ოქტომბრის „ჰამასის“ თავდასხმაზე პასუხისმგებლობა საკუთარ თავზე აიღო. ამის შესახებ The Times of Israel   იტყობინება.

„მე ვარ პასუხისმგებელი თავდაცვაზე. ამაზე ვიყავი პასუხისმგებელი ბოლო ორი კვირის განმავლობაში, მათ შორის რთული ინციდენტების დროსაც, და ასევე პასუხისმგებელი ვარ იმაზე, რომ ბრძოლა გამარჯვებით დასრულდეს“, – განუცხადა ისრაელის თავდაცვის მინისტრმა ჟურნალისტებს.

მისივე თქმით, ისრაელის ქმედებები იქნება ზუსტი და მომაკვდინებელი და გაგრძელდება მისიის შესრულებამდე.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.