ისრაელსა და „ჰამასს“ შორის მიმდინარე საომარი მოქმედებები გრძელდება. ისრაელის თავდაცვის სამინისტროს ინფორმაციით, დღეს ეგვიპტიდან ღაზას სექტორში მედიკამენტებით, საკვებითა და წყლით დატვირთული 70 სატვირთო შევიდა. ამასთან, ისრაელის თავდაცვის ძალებმა ღაზას სექტორის ჩრდილოეთ ნაწილში მცხოვრებ მოსახლეობას რეგიონის დატოვებისა და სამხრეთში გადასვლისთვის 4 საათი მისცა.
პალესტინელებს ჰუმანიტარული კორიდორით სარგებლობა ადგილობრივი დროით 10:00-დან 14:00-მდე შეუძლიათ.
პალესტინის ჯანდაცვის უწყების ცნობით, ღაზას სექტორში დაღუპულთა რიცხვმა 10 000-ს გადააჭარბა.
