![1649242374-ჯოზეფ-ბორელი-8](https://geotimes.ge/wp-content/uploads/2024/02/1649242374-jozeph-boreli-8.jpg)
ისრაელის შეტევა რაფაჰზე გამოიწვევს ენით აღუწერელ ჰუმანიტარულ კატასტროფას და მძიმე დაძაბულობას ეგვიპტესთან, – ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი სოციალურ ქსელში წერს.
„მძევლების გასათავისუფლებლად მოლაპარაკებების განახლება და საომარი მოქმედებების შეჩერება ერთადერთი გზაა სისხლისღვრის თავიდან ასაცილებლად“, – აცხადებს ბორელი.
შეგახსენებთ, ისრაელის პრემიერ-მინისტრმა ბენიამინ ნეთანიაჰუმ განაცხადა, რომ ისრაელმა რაფაჰში სამხედრო ოპერაცია 10 მარტამდე ანუ რამადანის დაწყებამდე უნდა დაასრულოს. მან ასევე სამხედროებს რაფაჰიდან მოსახლეობის ევაკუაციისთვის გეგმის შედგენა დაავალა.