ისრაელის პრეზიდენტის, იცხაკ ჰერცოგის სამი ვაჟიდან ერთ-ერთი ღაზის სექტორში იბრძვის. ამის შესახებ ადგილობრივ მედიას ისრაელის პირველმა ლედიმ, მიხალ ჰერცოგმა განუცხადა.
„გარკვეული დროის განმავლობაში მასთან არანაირი კონტაქტი არ გვქონია, თუმცა იმედს არ ვკარგავთ“, – განაცხადა ისრაელის პირველმა ლედიმ.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.
