ისრაელის არმია „ჰამასისა“ და „ჰეზბოლას“ ობიექტებზე იერიშს განაგრძობს

23
spot_img

ისრაელის არმია ღაზის სექტორში „ჰამასის“ ობიექტების განადგურებას განაგრძობს. „ცაჰალმა“ ანკლავის ცენტრალურ ნაწილში აღმოჩენილი კიდევ ერთი, 10-კილომეტრიანი გვირაბის კადრები გავრცელა, რომელიც, სამხედროების ცნობით, ღაზის უნივერსიტეტისა და საავადმყოფოს ქვეშ გადის და ანკლავის ჩრდილოეთ და სამხრეთ ნაწილებს აკავშირებს.

„ჰამასთან“ ბრძოლის პარალელურად, ისრაელმა ღამით მორიგი იერიში მიიტანა „ჰეზბოლას“ ობიექტებზეც. ოპერაცია ლიბანში ბაზირებული დაჯგუფების მხრიდან ისრაელის ტერიტორიაზე 60 რაკეტის გაშვების საპასუხოდ ჩატარდა. „ცაჰალის“ ცნობით, შედეგად, „ჰეზბოლას“ უფროსი მეთაური, ჰასან ჰუსეინ სალამი დაიღუპა.