ისრაელის თავდაცვის ძალები „ჰამასის“ ბატალიონის მეთაურის, ჰაითამ ხუვაჯარის ლიკვიდაციის შესახებ იტყობინება.
„ცაჰალის“ ცნობით, ჰაითამ ხუვაჯარი მეთაურობდა ბატალიონს, რომელიც 7 ოქტომბერს ისრაელზე განხორციელებულ თავდასხმაში მონაწილეობდა.
ისრაელის თავდაცვის ძალებში ასევე აცხადებენ, რომ ჰაითამ ხუვაჯარი პასუხისმგებელი იყო ალ-შიფას საავადმყოფოში „ჰამასის“ საქმიანობაზე და მეთაურობდა მებრძოლებს, რომლებიც ისრაელის წინააღმდეგ შატის ლტოლვილთა ბანაკში იბრძოდნენ.
