“ისრაელი დროებითი ზავის დასრულების შემდეგ ღაზის სექტორში სახმელეთო ოპერაციას განაახლებს” – ბენიამინ ნეთანიაჰუ

58
spot_img

ისრაელი დროებითი ზავის დასრულების შემდეგ ღაზის სექტორში სახმელეთო ოპერაციას განაახლებს, – ამის შესახებ ისრაელის პრემიერ-მინისტრმა შეერთებული შტატების პრეზიდენტს აცნობა.

ამავე დროს, ბენიამინ ნეთანიაჰუმ აღნიშნა, რომ ზავის გაგრძელებას ისურვებდა, თუ „ჰამასი“ ყოველდღიურად 10 მძევალს გაათავისუფლებდა. დროებითი ზავის გაგრძელების სურვილი გამოთქვა „ჰამასმაც“.

სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო.