ისანში ორი სკვერის რეაბილიტაცია განხორციელდა

53
spot_img

ისნის რაიონის გამგეობამ შალვა დოლიძის ქუჩასა და გაბრიელ სალოსის VI შესახვევის N3 კორპუსის მიმდებარედ, სკვერების რეაბილიტაცია დაასრულა.

მოსახლეობის თხოვნით, ძველი უსახური ჯიხურების და ღობეების დემონტაჟი განხორციელდა, მათ ადგილას კი 4850 კვ.მ. ფართობზე, ბავშვთა გასართობი მოედნები, დასასვენებელი სივრცე და გამწვანება მოეწყო.

ისნის რაიონის გამგებელი ნიკა ელისაშვილი, საკრებულოს მაჟორიტარ დეპუტატ კახა ლაბუჩიძესთან ერთად, ადგილობრივ მოსახლეობას შეხვდა  და დასრულებული სამუშაოები დაათვალიერა.

პროექტები გამგეობის ბიუჯეტიდან  679 145 ლარით დაფინანსდა.