ირანი ომანის სრუტეში სანავთობო ტანკერის გატაცების შესახებ იუწყება, ფაქტის დამადასტურებელი ვიდეო კადრები ისლამური რესპუბლიკის სახელმწიფო ტელეარხმა გაავრცელა.
ინფორმაციაში ნათქვამია, რომ მარშალის კუნძულების დროშის ქვეშ მცურავი სატვირთო ხომალდი, 12 იანვარს, ომანის სრუტესთან გააჩერეს.
ტანკერს ერაყული ნავთობი თურქეთის მიმართულებით გადაჰქონდა. ირანის განცხადებით, ტანკერის დაკავება სასამართლოს გადაწყვეტილებით, აშშ-ის მხრიდან, შარშან, ირანული სანავთობო ტანკერის დაკავების საპასუხოდ მოხდა.
