ინტერპოლი მზადყოფნას გამოთქვამს, რუსეთს „კროკუს სითი ჰოლში“ მომხდარი ტერაქტის გამოძიებაში დაეხმაროს

26
spot_img

ინტერპოლი გამოთქვამს მზადყოფნას, რუსეთს „კროკუს სითი ჰოლში“ მომხდარი ტერაქტის გამოძიებაში დაეხმაროს. აღნიშნულის შესახებ რუსული მედია იტყობინება.

„მკაცრად ვგმობ „კროკუს სითი ჰოლში“ მომხდარ თავდასხმას, საზარელ აქტს უდანაშაულო სამოქალაქო პირების წინააღმდეგ. ფიქრებით მსხვერპლთა ოჯახებთან და მეგობრებთან ვართ. ინტერპოლი მზადაა დაეხმაროს გამოძიებას, რომელსაც რუსეთის ხელისუფლება აწარმოებს“, – აცხადებს ინტერპოლის გენერალური მდივანი იურგენ შტოკი.

შეგახსენებთ, მოსკოვის ოლქში 22 მარტს საღამოს „კროკუს სითი ჰოლში“ მომხდარი ტერაქტის შედეგად დაღუპულთა რაოდენობა 82-მდე გაიზარდა. 115 ადამიანი საავადმყოფოში იმყოფება, აქედან 5 ბავშვია.