ინტენსიურად გრძელდება სამუშაოები, დაგვემატა მეცხრე ლოკაცია, მძიმე ტექნიკით მოვახერხეთ და მივაღწიეთ კოტეჯების სასადილოსთან, შესაბამისად, ამ არეალის დამუშავება შესაძლებელი გახდა და მუშავდება, – ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ განაცხადა.
მისივე თქმით, ასევე დამონტაჟდა ახალი ხიდი.
„ტექნიკის რაოდენობა ყოველდღიურ რეჟიმში იმატებს, რადგან მეტი მისასვლელი იწმინდება, უფრო დიდი არეალის მოცვა ხდება, რაც სამაშველო ოპერაციას ეხმარება. ყველაზე დიდი გამოწვევა არის სამუშაოები პირობები, იმ მასასთან, რომელიც რთულად ექვემდებარება დამუშავებას. ინტენსიურ რეჟიმში გრძელდება სამუშაოები, მაშველების, ჯარისა და მძიმე ტექნიკის ჩართულობით“, – განაცხადა ქარსელაძემ.
