გარემოსდაცვითი ზედამხედველობის დეპარტამენტის თანამშრომლებმა იმერეთსა და კახეთში 3 უკანონო სახერხი საამქრო გამოავლინეს.
ლენტური ტიპის სახერხი საამქროები, მოქალაქეებს ჭიათურის მუნიციპალიტეტის სოფლებში და ქალაქ ახმეტაში ჰქონდათ მოწყობილი. ტერიტორიებიდან ამოღებულია წაბლის სახეობის 5 ერთეული მორი და 21 კუბური მეტრი მოცულობის სხვადასხვა სახეობის ფიცარი.
სამივე ფაქტი სისხლის სამართლის დანაშაულის ნიშნებს შეიცავს. მასალები შესაბამის უწყებებში გადაიგზავნა.
