“იმედი მაქვს, საქართველო კანდიდატის სტატუსს მიიღებს” – ანა ბუჩუკური

165
spot_img

იმედი მაქვს, საქართველო კანდიდატის სტატუსს მიიღებს, – ამის შესახებ პარტია „საქართველოსთვის“ წევრმა, ანა ბუჩუკურმა საქართველოს პირველ არხს განუცხადა.

მისი თქმით, ჩვენმა პარტნიორებმა კარგად იციან, რომ ქართველი ხალხის დიდი ნაწილი დასავლეთს ირჩევს.

„იმედი მაქვს, რომ საქართველო კანდიდატის სტატუსს მიიღებს, რადგან ჩვენს პარტნიორებს ძალიან კარგად აქვთ გააზრებული ორი მნიშვნელოვანი და გადამწყვეტი ფაქტორი, მათ ძალიან კარგად იციან, სად დგას ქართველი ხალხი. მოსახლეობის დიდი ნაწილი დასავლეთს და მისი შვილების მომავალს ირჩევს. მათ ასევე ძალიან კარგად აქვთ გააზრებული, რომ ქართულ სახელმწიფოს თავისუფლებისთვის ფასი გადახდილი აქვს არაერთხელ, მათ შორის 2008 წლის ომის სახით და არა მხოლოდ ამით“, – განაცხადა ბუჩუკურმა.