იანვარში ქუთაისის საერთაშორისო აეროპორტში მგზავრთნაკადი 78%-ით გაიზარდა

16
spot_img

2024 წლის იანვარში ქუთაისის დავით აღმაშენებლის სახელობის საერთაშორისო აეროპორტში მგზავრთნაკადი, 2023 წლის ანალოგიურ პერიოდთან შედარებით, 78%-ით გაიზარდა.

საქართველოს აეროპორტების გაერთიანების ინფორმაციით, იანვარში დავით აღმაშენებლის სახელობის აეროპორტით 151,939 მგზავრმა ისარგებლა (2023 წლის იანვარი – 85,338 მგზავრი).

მგზავრთნაკადის გარდა, წლის დასაწყისში ქუთაისის საერთაშორისო აეროპორტში ავიარეისების რაოდენობის კუთხითაც ზრდა იყო. იანვარში აეროპორტში რეისები, გასული წლის პერიოდთან შედარებით, 66%-ით გაიზარდა და 486 რეისს მოემსახურა ( 2023 წლის იანვარი – 293 რეისი).

საქართველოს აეროპორტების გაერთიანების ინფორმაციით, ამ ეტაპისთვის, ქუთაისის საერთაშორისო აეროპორტიდან ხუთი ავიაკომპანია ოპერირებს. რეისები 20 ქვეყნის 39 მიმართულებით სრულდება.