იანვარმა და თებერვალმა შესაბამისი შედეგი უნდა მოიტანოს – ზელენსკი

19
spot_img

უკრაინის პრეზიდენტის ინფორმაციით, უკვე მიმდინარეობს სამუშაოები მომავალი კვირის გეგმებზე, რომლებიც საერთაშორისო აქტივობებს უკავშირდება.  ვოლოდიმირ ზელენსკის განცხადებით, უკრაინა ემზადება უკრაინის უსაფრთხოების გარანტიებზე, პარტნიორებთან ახალი ორმხრივი შეთანხმებების გასაფორმებლად.

“ჩვენ ვამზადებთ ახალ, ძლიერ, ორმხრივ შეთანხმებებს პარტნიორებთან. იანვარმა და თებერვალმა შესაბამისი შედეგი უნდა მოიტანოს. ჩვენ უკვე შეგვიძლია დავინახოთ კონკრეტული თარიღები, როდის შეიძლება იყოს დოკუმენტები. უსაფრთხოების გარანტიების  ახალი არქიტექტურით, ჩვენ რეალურად ვაცოცხლებთ საერთაშორისო სამართლის სისტემას და როდესაც სამართლიანობა აღდგება უკრაინაში, როდესაც ჩვენი უსაფრთხოება აღდგება, ის ასევე იმუშავებს მსოფლიოს სხვა ხალხებისთვისაც.” აცხადებს ზელენსკი მიმართვაში.