ინდოეთში, ჰიმალაის მთებში მეწყერს, სულ მცირე, 18 ადამიანის სიცოცხლე ემსხვერპლა.
ინფორმაციას „როიტერი“ ავრცელებს.
ჰიმალაის მთებში კოკისპირულმა წვიმამ მეწყერი გამოიწვია, დაღუპულია, სულ მცირე, 18 ადამიანი, ათეულობით კი დაკარგულად ითვლება.
„ბოლო 48 საათის განმავლობაში უწყვეტი ნალექის გამო, ინდოეთს ტრაგედია დაატყდა თავს“, – განაცხადა შტატის მინისტრმა, სუხვინდერ სინგმა.
როგორც მედია წერს, შტატის დედაქალაქში, შიმლაში ტაძარი ჩამოინგრა, საიდანაც, სულ მცირე, ცხრა ცხედარი ამოიყვანეს.
ქალაქში დაიხურა სკოლები და სხვა საგანმანათლებლო ინსტიტუტები. მოსახლეობის ნაწილი გადაყვანილია თავშესაფარში.
