გაეროს გენერალური მდივანი ანტონიო გუტერეში აცხადებს, რომ „ჰამასის“ თავდასხმა ისრაელზე ვერასოდეს გაამართლებს პალესტინელი ხალხის კოლექტიურ დასჯას.
ეგვიპტეში მიმდინარე სამშვიდობო სამიტზე სიტყვით გამოსვლისას, გუტერეშმა მშვიდობიანი მოსახლეობის დაცვაზე და სამოქალაქო ინფრასტრუქტურის, მათ შორის საავადმყოფოებისა და სკოლების ხელშეუხებლობაზე ისაუბრა.
„უნდა განხორციელდეს როგორც ისრაელის ლეგიტიმური მისწრაფებები უსაფრთხოების მხრივ, ასევე პალესტინელების ლეგიტიმური მისწრაფებები დამოუკიდებელი ქვეყნის შექმნის მხრივ“, – განაცხადა გუტერეშმა.
ეგვიპტეში ისრაელსა და „ჰამასს“ შორის ომის შესახებ სამშვიდობო სამიტი მიმდინარეობს, რომელსაც მსოფლიოს 20-ზე მეტი სახელმწიფოს ლიდერი ესწრება.
