„ჰამასის“ ლიდერი ისმაილ ჰანიე ამბობს, რომ ტყვეთა გაცვლის საკითხი მხოლოდ ომის დასრულების შემდეგ გადაწყდება.
„მხარეები, რომლებიც დაგვიკავშირდნენ, გვთავაზობენ შუამავლობას ტყვეთა გაცვლის გზით მძევლების გათავისუფლებისთვის, ისინი ინფორმირებული არიან გადაწყვეტილების შესახებ“, – თქვა ჰანიემ.
„ჰამასის“ ლიდერი აქებს ღაზაში მცხოვრებლების გამძლეობას და მზადყოფნას, გასწირონ თავი პალესტინისთვის და ამბობს, რომ ისრაელის არმიის მიერ ამჟამად განხორციელებული თავდასხმები ღაზაში საპასუხო დარტყმებით არის „მისი დამარცხების სირცხვილის“ ანარეკლი.
