„ჰამასი“ და ისრაელი ზავის კიდევ ერთი დღით გახანგრძლივებაზე შეთანხმდნენ. ამის შესახებ Al Jazeera ორივე მხარეს საკუთარ წყაროებზე დაყრდნობით იტყობინება.
ისრაელის არმიაში ტელეკომპანიის წყარომ განაცხადა, რომ დროებითი ზავი გაგრძელდება, რათა კიდევ უფრო მეტი მძევალი გათავისუფლდეს.
შეთანხმებას ადასტურებს შუამავალი ქვეყანა კატარიც.
ისრაელსა და „ჰამასს“ შორის დროებითი ზავი 24 ნოემბერს ამოქმედდა. გასული 6 დღის განმავლობაში ისრაელმა გატაცებული 70 ისრაელელი მძევალი, „ჰამასმა“ კი 210 პალესტინელი პატიმარი დაიბრუნა.
გარდა ამისა, „ჰამასმა“ გაათავისუფლა ტაილანდის 21, რუსეთის 3 და ფილიპინების 1 მოქალაქე.
