გვინდა ყველანაირი თანადგომა გამოვუცხადოთ უკრაინელ ხალხს, განსაკუთრებით მებრძოლებს, ოჯახებს და მათ შვილებს-გიორგი ამილახვარი

12
spot_img

პრემიერის ინიციატივით ჩვენ ვაგრძელებთ უკრაინელი მებრძოლების შვილების მასპინძლობას საქართველოში, – ამის შესახებ განათლებისა და მეცნიერების მინისტრმა გიორგი ამილახვარმა უკრაინელი სამხედროების შვილებთან შეხვედრის შემდეგ, ჟურნალისტებს განუცხადა.

„პრემიერი თავად შეხვდა ამ ბავშვებს და ჰქონდა მათთან ძალიან თბილი შეხვედრა და საუბარი. ძალიან მოსწონთ მათ საქართველო. გვინდა ყველანაირი თანადგომა გამოვუცხადოთ უკრაინელ ხალხს, განსაკუთრებით მებრძოლებს, ოჯახებს და მათ შვილებს“, – აღნიშნა ამილახვარმა.

პრემიერ-მინისტრი განათლების მინისტრთან ერთად კიევიდან ჩამოსულ ეროვნული გვარდიის სამხედრო მოსამსახურეების შვილებს შეხვდა, რომლებიც საქართველოს მთავრობის ფინანსური მხარდაჭერით საზაფხულო ბანაკში ისვენებენ.