,,გილოცავთ, აღდგომის ბრწყინვალე დღესასწაულს” – შალვა პაპუაშვილი

95
spot_img

საქართველოს პარლამენტის თავმჯდომარე შალვა პაპუაშვილი სოციალურ ქსელში მორწმუნეებს აღდგომის ბრწყინვალე დღესასწაულს ულოცავს.

როგორც შალვა პაპუაშვილი წერს, აღდგომას ლიტურგიას რაჭაში, ნიკორწმინდის წმინდა ნიკოლოზის სახელობის ტაძარში ოჯახთან ერთად ხვდება.

„ქრისტე აღდგა! გილოცავთ აღდგომის ბრწყინვალე დღესასწაულს და ყველა ოჯახს, ჩვენს თითოეულ მოქალაქეს გისურვებთ სულიერ სიძლიერესა და სიხარულს!

აღდგომა მორწმუნეთათვის გამორჩეული დღესასწაულია, რადგან ის არის სიკვდილზე სიცოცხლის გამარჯვების, სულიერი განახლების ზეიმი!

წელს აღდგომას, ჩემს მეუღლესთან და შვილებთან ერთად რაჭაში, ნიკორწმინდის წმინდა ნიკოლოზის სახელობის ტაძარში ვხვდები. ათასი წლის წინ აგებული ეს ტაძარი საუკეთესოდ აერთიანებს ქართული სულიერი და ეროვნული გენის სიდიადეს და მადლობა უფალს, რომ აღდგომის ლიტურგია ნიკორწმინდაში ათასი წლის მერეც ტარდება.

მშვიდობიან და ერთიან საქართველოში ცხოვრებას გისურვებთ ყველას. ღმერთი ფარავდეს ჩვენს სამშობლოს!” – წერს პარლამენტის თავმჯდომარე.