ღარიბაშვილი და მისი მთავრობა დაპირისპირებულია მთელ დასავლურ სამყაროსთან – ჩიხლაძე

68
spot_img

პრემიერის ტექსტში იყო მინიშნება, თუ როგორი იქნება არჩევნებამდე 1 წელი, ეს იქნება ძალადობა და სიძულვილის ენა – ღარიბაშვილი და მისი მთავრობა დაპირისპირებულია მთელ დასავლურ სამყაროსთან, – ამის შესახებ პარტია „სტრატეგია აღმაშენებლის“ საგარეო მდივანმა, სერგო ჩიხლაძემ აღნიშნა.

როგორც მან აღნიშნა, პრემიერი სიძულვილით და აგრესიით მოიხსენიებს თავისი მოსახლეობის ნახევარზე მეტს.

„პრეზიდენტს სწორი გზავნილები ჰქონდა. მიხარია, რომ პრეზიდენტი იმ პოზიციაზე, რაზეც ჩვენ, ოპოზიციური პარტიები წლებია ვსაუბრობთ. მნიშვნელოვანი იყო განცხადება დეპოლარიზაციაზე, მან ნამდვილად შეიწყალა გვარამია და თავისი წვლილი შეიტანა, დაგვიანებით, მაგრამ გააკეთა. როგორც გუშინდელ ინტერვიუში, ასევე, მის ბოლო შეფასებებში დამაკლდა ის, თვლის თუ არა, რომ ბიძინა ივანიშვილი ოლიგარქია, რომელმაც ინსტიტუციები მიიტაცა. ამაზე უჭირს კომენტარის გაკეთება. ძალიან მნიშვნელოვანი იქნება, გადავა თუ არა ამ წითელ ხაზს ბიძინა ივანიშვილთან.

რაც შეეხება პრემიერის განცხადებებს, ეს იყო სიძულვილის და ზიზღის ენა, თავისივე ტექსტში რომ დეპოლარიზაცია ვერ ხდება მაგალითად მოიყვანა და განამტკიცა. რატომ ვერ ხდება ეს დეპოლარიზაცია? ყველაფერთან ერთად, ის სიძულვილით, აგრესიით მოიხსენიებს თავისი მოსახლეობის ნახევარზე მეტს.

თქვენ, ნახეთ, რომ „ქართული ოცნება“ არა პრეზიდენტთან, მოსახლეობის უდიდეს ნაწილთანაა დაპირისპირებული. ნახეთ პრემიერი ღვარძლიანი განცხადებები, პლუს ჩვენ ვხედავთ ძალადობრივ ქმედებებს ყველა კრიტიკულად განწყობილი ადამიანის მიმართ. პრემიერის ტექსტში იყო მინიშნება, თუ როგორი იქნება არჩევნებამდე 1 წელი, ეს იქნება ძალადობა, სიძულვილის ენა, რუსული პროპაგანდის წარმოება „ქართული ოცნების“ მხრიდან. პრეზიდენტთან იქნება თუ არა დაპირისპირებული ნაკლები გავლენა ექნება, ღარიბაშვილი და მისი მთავრობა დაპირისპირებულია მთელ დასავლურ სამყაროსთან“, – აღნიშნა ჩიხლაძემ.