ღამის განმავლობაში რუსეთმა უკრაინაზე რამდენიმე მიმართულებით თავდასხმა განახორციელა

24
spot_img

რუსმა სამხედროებმა სუმის ოლქის ქალაქ კონოტოპზე სარაკეტო დარტყმა განახორციელეს, რის შედეგადაც დაზიანდა საცხოვრებელი კორპუსი და დაშავდა სამი ადამიანი. ინფორმაციას სუმის რეგიონული სამხედრო ადმინისტრაცია ავრცელებს.

მათივე ცნობით, სარაკეტო იერიშის შედეგად ცეცხლი გაუჩნდა ავტომანქანებსაც.

ამასთან, კიევში, ზაპოროჟიესა და დნეპრში საჰაერო იერიშები განხორციელდა. კიევის ადგილობრივი ხელისუფლება მოსახლეობას სახლში დარჩენისკენ მოუწოდებს.

უკრაინული მედიის ცნობით, დნეპრში ცეცხლი გაუჩნდა ერთ-ერთ სავაჭრო ცენტრსაც.