გავრცელდა ფარული ჩანაწერი სადაც, სავარაუდოდ, ოპოზიციონერი ლიდერების მხრიდან ხვიჩა კვარაცხელიას მისამართით შეურაცხმყოფელი ეპითეტები ისმის

79
spot_img

გავრცელდა ფარული ჩანაწერი სადაც, სავარაუდოდ, ოპოზიციონერი ლიდერების მხრიდან ხვიჩა კვარაცხელიას მისამართით შეურაცხმყოფელი ეპითეტები ისმის.

ფარულ ჩანაწერებს  საინფორმაციო სააგენტო for.ge ავრცელებს. მასალის ავთენტიკურობა დადგენილი არ არის თუმცა, სააგენტოს მიერ ექსკლუზიურად მოპოვებულ ფარულ ჩანაწერებში ისმის, თუ რამდენად მნიშვნელოვანია აქციის ორგანიზატორებისთვის სპორტსმენების მხრიდან მათი პოზიციის გაზიარება.

ჩანაწერში, სავარაუდოდ, აკაკი მინაშვილი და ნიკა ფარულავა საქართველოს ნაკრების ფეხბურთელებზე საუბრობენ. როგორც აქამდეც იყო ცნობილი, ჩანაწერიდან ირკვევა, რომ მათთვის ხვიჩა კვარაცხელიას გამოხმაურება საკმარისი არ აღმოჩნდა, შესაბამისად, ფეხბურთელის მიმართ შეურაცხმყოფელი ეპითეტები ისმის.

სააგენტო for.ge-ს მიერ ექსკლუზიურად მოპოვებულ მეორე ფარულ ჩანაწერში ერთი ეპიზოდი ეთმობა ევროკავშირის ელჩზე საუბარს.

for.ge-ს ინფორმაციით, მოსაუბრეები ნიკა გვარამია, აკაკი მინაშვილი და ნიკა ფარულავა არიან. პაველ ჰერჩინსკის შეურაცხმყოფელი სიტყვებით ნიკა გვარამია მოიხსენიებს.

ფარული ჩანაწერების ავთენტიკურობა, ამ ეტაპზე, დადგენილი არ არის.