“გათამამებულხართ წინა „მინისტრის საათთან” შედარებით, მორიდებული იყავით” – ანა წითლიძე ჯუანშერ ბურჭულაძეს

145
spot_img

ერთადერთი მიზეზით ხართ ამ ქვეყნის თავდაცვის მინისტრი და ეს არის ტრაგედია – „ქართუ ბანკში“ იყავით, აგიღეს და დაგდეს მინისტრად, – ასე მიმართა „ნაციონალური მოძრაობის“ დეპუტატმა ანა წითლიძემ თავდაცვის მინისტრ ჯუანშერ ბურჭულაძეს.

ამასთან, წითლიძემ თქვა, რომ ბურჭულაძის მსგავსი თავდაცვის მინისტრები ქვეყანას „ბევრი ჰყოლია და კიდევ ეყოლება“

„გათამამებულხართ წინა „მინისტრის საათთან” შედარებით, მორიდებული იყავით, მახსოვს და ცინიზმი შეგიძენიათ კიდევ, ნეტა რატომ? თქვენც კორუფციულ გარიგებებში ხომ არ ხართ ან თქვენც ფარცხალაძესავით ამ ქვეყნის თავდაცვის მინისტრი კი ხართ, მაგრამ იქნებ თქვენც ამ აგენტურულ ქსელში ხართ?- ვინ იცის.

თქვენ თავს ქართულ ჯართან ნუ აიგივებთ. ქართული ჯარი არის ის, რაც პატივისცემას იმსახურებს ყველასგან ყოველთვის, თქვენნაირი თავდაცვის მინისტრები კი ბევრი ჰყოლია ამ ქვეყანას და კიდევ ეყოლება, არ გაახსენდებით არასოდეს არავის. ამიტომ ქართული ჯარის ნაცვლად შენიშვნას თქვენ ნუ გვაძლევთ და ნურც ლაპარაკობთ. ერთადერთი მიზეზით ხართ ამ ქვეყნის თავდაცვის მინისტრი და ეს არის ტრაგედია – “ქართუ ბანკში” იყავით, აგიღეს და დაგდეს თავდაცვის მინისტრად”, – განაცხადა წითლიძემ.