განრიდებული პირების, პრობაციონერებისა და ყოფილი პატიმრების რეაბილიტაცია-რესოციალიზაციის ეფექტიანობისთვის დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ 9 სარეაბილიტაციო პროგრამა განაახლა,- ამის შესახებ იუსტიციის მინისტრმა რატი ბრეგაძემ საქართველოს პარლამენტის პლენარულ სხდომაზე, „მინისტრის საათის“ ფორმატში სიტყვით გამოსვლისას ისაუბრა.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს მიერ 2023 წელს განახლებული სარეაბილიტაციო პროგრამების შესახებ ისაუბრა.
ინფორმაციას დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო ავრცელებს.
მათივე ცნობით, განახლებული სარეაბილიტაციო პროგრამებია: დანაშაულის გააზრების პროგრამები სრულწლოვანებისა და არასრულწლოვნებისთვის; ემოციების რეგულაცია; რელაფსის პრევენცია; ცხოვრების ჯანსაღი წესი; სოციალური და კოგნიტური უნარების სასწავლო პროგრამა; მომავლის დაგეგმვა; ბიბლიოთერაპია; ინტერპერსონალური კომუნიკაცია; თანასწორობის პროგრამა.
კიდევ ერთი საკითხი, რაზეც „მინისტრის საათის“ ფორმატში ბრეგაძემ ისაუბრა, სკოლის მასწავლებლებისთვის დანაშაულის პრევენციის ონლაინ კურსზე ისაუბრა, რომლის მიზანია არასრულწლოვნებში რთული ქცევის დროულად გამოვლენა და მათზე სათანადო რეაგირებაა.
მისი თქმით, სკოლებში დანაშაულის ადრეული პრევენციის მიზნით დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო, რელევანტურ სახელმწიფო უწყებებთან თანამშრომლობით, მუშაობს სკოლის მასწავლებლებისთვის დანაშაულის პრევენციის ონლაინ კურსის პროგრამაზე.
მინისტრის ინფორმაციით, ეს პროგრამა სკოლის პედაგოგებსა და პერსონალს მისცემს საშუალებას, შეიძინონ უნარ-ჩვევები, რათა დროულად მოახდინონ არასრულწლოვნებში რთული ქცევის გამოვლენა და არასრულწლოვანთა რეფერირების ცენტრთან კოორდინაციით, მათზე სათანადო რეაგირება.
