გამოკითხვების თანახმად, თურქეთის საპრეზიდენტო არჩევნების წინ ერდოღანს ქემალ ქილიჩდაროღლუ უსწრებს

თურქეთის საპრეზიდენტო არჩევნების წინ ოპოზიციის კანდიდატი ქემალ ქილიჩდაროღლუ მოქმედ პრეზიდენტს, რეიეფ თაიფ ერდოღანს უსწრებს.

როგორც გამოცემა Duvar-ი წერს, ასეთია Motto-სა და Bulgu Research-ის მიერ აპრილში ჩატარებული გამოკითხვის შედეგები.

გამოკითხვის თანახმად, ქილიჩდაროღლუმ ერდოღანი არჩევნების მეორე ტურშიც შეიძლება დაამარცხოს.

კითხვაზე, რომელ კანდიდატს მისცემდით ხმას საპრეზიდენტო არჩევნებზე, კენჭისყრა რომ ამ კვირას ტარდებოდეს, გამოკითხულთა 49,5%-მა ქილიჩდაროღლუს კანდიდატურა დაასახელა, ერდოღანს კი 41,5%-მა დაუჭირა მხარი.

რაც შეეხება მეორე ტურს, ქილიჩდაროღლუს ამ შემთხვევაში რესპონდენტთა 51,4%-ის, ერდოღანს კი – 40,9%-ის მხარდაჭერა აქვს.

თურქეთში საპრეზიდენტო და საპარლამენტო არჩევნები 14 მაისს გაიმართება.