“გამოხმაურებები, რომლებსაც ვიღებთ ჩვენი პარტნიორებისგან, მეტყველებს იმაზე, რომ თანმიმდევრულად ვატარებთ ჩვენი ქვეყნის რეფორმირებას, რათა საბოლოო წევრობა ძალიან მალე იყოს ხელშესახები”

ილია დარჩიაშვილი საქართველოს ევროინტეგრაციასთან დაკავშირებით ევროკავშირის წევრი ქვეყნების საგარეო საქმეთა მინისტრების განცხადებებს გამოეხმაურა. როგორც საქართველოს საგარეო საქმეთა მინისტრმა აღნიშნა, დადებითი შეფასებები საქართველოს ხელისუფლების გაწეული სამუშაოს შედეგია.

„ის, რომ დღეს კითხვები არ არსებობს საქართველოს მხრიდან კონკრეტულ და შედეგზე ორიენტირებულ ნაბიჯებთან მიმართებაში, ის, რომ საქართველო განუხრელად ახორციელებს ევროკავშირისა და ევროკომისიის რეფორმებსა და რეკომენდაციებს, არის იმ ძალისხმევის შედეგი, რომელიც ჩვენმა ხელისუფლებამ გაწია, რათა საქართველოს ჰქონოდა კონკრეტული შედეგები. ამ შედეგებზე დაყრდნობით, ის გამოხმაურებები, რომლებსაც ვიღებთ ჩვენი პარტნიორებისგან, მეტყველებს იმაზე, რომ თანმიმდევრულად ვატარებთ ჩვენი ქვეყნის რეფორმირებას, რომ საბოლოო წევრობა ძალიან მალე იყოს ხელშესახები“, – განაცხადა დარჩიაშვილმა.

ბრიუსელში აღმოსავლეთ პარტნიორობის მინისტერიალი იწყება, რომელსაც საქართველოს საგარეო საქმეთა მინისტრი ილია დარჩიაშვილი დაესწრება.