გადაწყვეტილებას, რომელიც ახალი რესპუბლიკური საავადმყოფოს მშენებლობასთან დაკავშირებით იქნა მიღებული, ისტორიული მნიშვნელობა აქვს ჯანდაცვის სექტორის გაძლიერების კუთხით -თამარ გაბუნია

21
spot_img

“გადაწყვეტილებას, რომელიც ახალი რესპუბლიკური საავადმყოფოს მშენებლობასთან დაკავშირებით იქნა მიღებული, ისტორიული და ნამდვილად მაღალი სტრატეგიული მნიშვნელობა აქვს ჯანდაცვის სექტორის გაძლიერების კუთხით”,- ამის შესახებ ჯანდაცვის მინისტრის მოადგილე თამარ გაბუნიამ განაცხადა.

მისივე თქმით, სამედიცინო პერსონალისთვის გათვალისწინებულია დასაქმების ალტერნატიული შესაძლებლობა სამედიცინო დაწესებულებებში.

„მრავალი წლის განმავლობაში რესპუბლიკური საავადმყოფო იყო მთავარი საყრდენი სახელმწიფოსთვის ჰოსპიტალური სერვისების მიწოდების კუთხით. ამდენად, რესპუბლიკური საავადმყოფოს გაძლიერებას და იმ გადაწყვეტილებას, რომელიც ახალი რესპუბლიკური საავადმყოფოს მშენებლობასთან დაკავშირებით იქნა მიღებული, ისტორიული და ნამდვილად მაღალი სტრატეგიული მნიშვნელობა აქვს ჯანდაცვის სექტორის გაძლიერების კუთხით.

სამედიცინო პერსონალისთვის გათვალისწინებულია დასაქმების ალტერნატიული შესაძლებლობა სამედიცინო დაწესებულებებში. კერძოდ, თუ პირი უარს იტყვის 12-თვიან კომპენსაციაზე, მას სახელმწიფო შესთავაზებს ალტერნატიული, ტოლფასი დასაქმების შესაძლებლობას 4-თვიან კომპენსაციასთან ერთად. თუ სახელმწიფო ვერ მოახერხებს სამედიცინო პერსონალისთვის ტოლფასი დასაქმების შესაძლებლობის მოძიებასა და შეთავაზებას, ამ შემთხვევაში სახელფასო კომპენსაცია განისაზღვრება 3-წლიანი ვადით, სანამ სამედიცინო პერსონალი თავად არ მოახერხებს, დასაქმდეს ალტერნატიულ პოზიციაზე“, – განაცხადა გაბუნიამ.

ცნობისთვის, თბილისის რესპუბლიკური საავადმყოფოს ბაზაზე ახალი, თანამედროვე, საერთაშორისო სტანდარტების სახელმწიფო კლინიკა აშენდება. მრავალპროფილური, მაღალტექნოლოგიური სამედიცინო დაწესებულება ყველა ძირითად სამედიცინო მიმართულებას დაფარავს.