აშშ-ის ყოფილმა პრეზიდენტმა, დონალდ ტრამპმა განაცხადა, რომ პრეზიდენტად არჩევის შემთხვევაში, ის ევროპას სთხოვს, აშშ-ის იარაღის მარაგის აღდგენის ხარჯები დაფაროს, რომელიც ვაშინგტონმა უკრაინის მომარაგებისთვის გამოიყენა.
„სამ წელზე ნაკლები ხნის წინ, მე სრულად აღვადგინე შეერთებული შტატების არმია და ამერიკას ასეთ ძლიერ გლობალურ პოზიციაზე გავიყვანე. ოცდაცხრა თვის შემდეგ, [აშშ-ის] არსენალები ცარიელია, მარაგი ცარიელია, ხაზინა დაცლილია, ჩვენი ქვეყანა სრულიად დამცირებულია და ჩვენ გვყავს კორუმპირებული, კომპრომეტირებული პრეზიდენტი, თაღლითი ჯო ბაიდენი, რომელიც მესამე მსოფლიო ომში გვითრევს“, – აღნიშნა დონალდ ტრამპმა.
„ევროპას ვთხოვ, აგვინაზღაურონ უკრაინაში გაგზავნილი მარაგების აღდგენის ხარჯები, რასაც ახლა უნდა აკეთებდნენ, მაგრამ ჯო ბაიდენი ძალიან სუსტია“, – განაცხადა აშშ-ის ყოფილმა პრეზიდენტმა.
