“ევროპამ საკუთარი ღირებულებები და ერთიანობა გაბედულად უნდა დაიცვას” – ვოლოდიმირ ზელენსკი

35
spot_img

უკრაინის პრეზიდენტის, ვოლოდიმირ ზელენსკის თქმით, ევროპამ გაბედულად უნდა დაიცვას საკუთარი ღირებულებები და ერთიანობა. ამის შესახებ ზელენსკი „ტვიტერის“ გვერდზე გავრცელებულ განცხადებაში წერს, სადაც ნათქვამია, რომ უკრაინის პრეზიდენტი ტელეფონით ესაუბრა ევროკომისიის პრეზიდენტ ურსულა ფონ დერ ლაიენს.

„დღევანდელი საუბრისას, ევროკავშირის სამიტის წინ, პოზიციების კოორდინირება მოვახდინეთ. მე კიდევ ერთხელ გამოვხატე მადლიერება უკრაინის მიერ ევროკომისიის ყველა რეკომენდაციის შესრულების დადებითი შეფასებისთვის. იმედი გვაქვს, რომ სამიტზე იქნება მიღებული დადებითი გადაწყვეტილება უკრაინის ფინანსურის მხარდაჭერისა და უკრაინის ევროკავშირში გაწევრიანების შესახებ მოლაპარაკებების დაწყების შესახებ“, – წერს ვოლოდიმირ ზელენსკი.

ევროპული საბჭო უკრაინის ფინანსური მხარდაჭერისა და ევროკავშირში უკრაინის გაწევრიანების შესახებ მოლაპარაკებების დაწყების საკითხს 14-15 დეკემბერს დაგეგმილ სამიტზე განიხილავს.