“ევროკავშირში გაწევრიანების თემაზე უნგრეთისთვის პირველია სტრატეგიული მიდგომა, მეორეა დისკუსია, მესამე კი იქნება გადაწყვეტილება”

85
spot_img

ევროკავშირში გაწევრიანების თემაზე უნგრეთისთვის პირველია სტრატეგიული მიდგომა, მეორეა დისკუსია, მესამე კი იქნება გადაწყვეტილება, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

ორბანს კითხვა დაუსვეს მოლდოვისა და უკრაინის ევროკავშირში გაწევრიანების პერსპექტივასთან დაკავშირებით.

ვიქტორ ორბანის თქმით, გაფართოების შედეგების სტრატეგიული კალკულაცია ჯერ არ მომხდარა.

„პირველ რიგში, უნდა განვიხილოთ, ეს შედის ჩვენს სტრატეგიულ ინტერესში თუ არა და რა პასუხები გვექნება გაფართოების სტრატეგიულ გავლენებზე. ეს არ გაკეთებულა, გაფართოების შედეგების სტრატეგიული კალკულაცია ჯერ არ მომხდარა. უნგრეთისთვის პირველია სტრატეგიული მიდგომა, მეორე – დისკუსია, მესამე კი იქნება გადაწყვეტილება“, – განაცხადა ვიქტორ ორბანმა.