2008 წლის 7 აგვისტოდან, რუსეთის ფედერაციის მხრიდან საქართველოში აქტიური სამხედრო ინტერვენციის დაწყებიდან 15 წელი გავიდა. ეს ტრაგედია დღემდე გრძელდება, – ამის შესახებ „ლელოს“ ერთ-ერთმა ლიდერმა ბადრი ჯაფარიძემ განაცხადა.
მისი თქმით, ქვეყნის სრული დეოკუპაცია უნდა იყოს მთავარი ამოცანა ჩვენი სახელმწიფოსთვის.
„გრძელდება ოკუპაცია, ჩვენი თანამოქალაქეების უფლებების ყოველდღიური დარღვევა ოკუპირებულ ტერიტორიაზე.
ეს არის ისტორიული უსამართლობა, რომელიც უნდა დასრულდეს საერთაშორისო საზოგადოების და, პირველ რიგში, ჩვენი ქვეყნის მშვიდობიანი ძალისხმევის შედეგად.
ყველამ ერთად უნდა შევძლოთ ჩვენი ქვეყნის სრული დეოკუპაცია იმისათვის, რომ ჩვენს თანამოქალაქეებს, ვინც დღეს ცხოვრობენ ოკუპირებულ ტერიტორიებზე, ასევე მათ, რომლებიც განდევნეს ოკუპირებული ტერიტორიებიდან, მიეცეთ თავისუფლად ცხოვრებისა და განვითარების საშუალება. ეს უნდა იყოს მთავარი ამოცანა ჩვენი სახელმწიფოსთვის”, – განაცხადა ჯაფარიძემ.
