ექსპერტი ამირან სალუქვაძე სოციალურ ქსელში ოპოზიციური ლიდერების მიერ 2012-2013 წლებში გაჟღერებულ განცხადებებს ეხმაურება:
“ეს სამარცხვინო განცხადებები რომელი განსაკუთრებული გეოპოლიტიკური მოცემულობიდან გამომდინარე გაკეთდა?
1. “სააკაშვილი და საქართველოს ყველა თანამდებობის პირი მანტრასავით იმეორებენ, რუსეთთან დიალოგი ნებისმიერ დროს, ნებისმიერ ადგილას, ნებისმიერ დონეზე, ნებისმიერ თემაზე, წინაპირობების გარეშე”.
“სააკაშვილს ჩემოდნით ვერ ჩამოგიყვანთ, დიდია. ყველას გაქვთ ჩემი ტელეფონი. არ მოგწონთ ვაშაძე, დაელაპარაკეთ შაშკინს, არ მოგწონთ შაშკინი, დაელაპარაკეთ მერაბიშვილს და ა.შ.”
2. “საქართველოს ტოვებს რუსული კულტურის ბოლო პლასტი, რუსული ენა დავიწყებას ეძლევა, ახალგაზრდობა ინგლისურენოვანი ხდება, რაც ძალიან მაწუხებს.
კონფლიქტის მოგვარება შორეული პერსპექტივის საქმეა. თბილისი საჭიროებს რუსეთთან დიალოგს. მე არ ვიცი ეს როგორ გავაკეთო. რუსეთის ლიდერები უარს ამბობენ სააკაშვილთან დიალოგზე. თუმცა, ოპოზიციასთან აქვთ კავშირები. ჩვენ ვართ მეზობლები და ასეთებად დავრჩებით. საქართველოდან მიდის რუსული კულტურის ბოლო პლასტი. რუსული ენა დავიწყებას ეცემა. ქართველები ინგლისურენოვანები ხდებიან. მე ეს მაწუხებს.”
ახსნას ნაცმოძრაობის პოლიტიკოსებმა და მომხრეებმა, რა გეოპოლიტიკურმა კონტექსტმა აიძულა გრიგოლ ვაშაძე და გიული ალასანია ეს სიტყვები ეთქვათ?
შენიშვნა:
პირველი ამონარიდი ეკუთვნის გრიგოლ ვაშაძეს. ინტერვიუ გამოცემა “ეხო მოსკვის”, რუსელ ენაზე მისცა, 2012 წელს.
ასე საუბრობდნენ თვითონ, სანამ არჩევნებს წააგებდნენ. 2013 წლიდან ყირაზე იდგნენ, არ შეიძლება რუსეთთან პარტნიორების და წინაპირობების გარეშე საუბარიო.
მეორე ამონარიდი ეკუთვნის გიული ალასანიას. ეს სიტყვები წარმოთქვა თურქეთში, 2010 წელს, “პლატფორმა ევრაზიული დიალოგის” კონფერენციაზე.
რომელი გეოპოლიტიკური გარემოების გამო რჩება დღეს გიული ალასანია პრორუსულ-პროთურქული ორგანიზაცია “პლატფორმა ევრაზიის დიალოგის” საქართველოს ფილიალის გამგეობის თავმჯდომარედ?”- წერს ამირან სალუქვაძე.
