3 და 5 ნოემბერს, 20:00 სთ-ზე, რუსთავის გიგა ლორთქიფანიძის სახელობის პროფესიული მუნიციპალური დრამატული თეატრის დიდ სცენაზე, თეატრის სამხატვრო ხელმძღვანელი, რეჟისორი სოსო ნემსაძე, ვაჟა გიგაშვილის რომანის ,,ერთი ვინმე ყაფლანიშვილი“-ის მიხედვით დადგმული სპექტკალის პრემიერას წარმოადგენს.
როგორც “ჯორჯიან თაიმსს” თეატრის პრესსამსახურიდან აცნობეს, პიესის მთავარი პერსონაჟი ნოდარ ყაფლანიშვილი, ახალი ქართველების ტიპური წარმომადგენელია, აგრესიული, დაუნდობელი, მაგრამ შინაგანად მშიშარა, რომელიც იწყებს ლიახვის ხეობაში არსებული წინაპართა საკუთრების დაბრუნებას;
,,ერთი ვინმე ყაფლანიშვილი“ – „ჯაყოს ხიზნების“ ერთგვარი ინტერპრეტაციაა. ნოდარ ყაფლანიშვილი და იორამ შათირიშვილი, – თანამედროვე ჯაყოსა და თეიმურაზის პროტოტიპები არიან.
ყაფლანიშვილი ნებისმიერ ფასად ცდილობს მიისაკუთროს ყველაფერი, რაც მოესურვება. მისი მტაცებლური ხასიათი ვერ ეგუება დამარცხებას. ის, ხელმოკლე, თუმცა მორალური თვისებებით აღჭურვილი იორამის დახმარებით, ცდილობს თავისი თავადური წარმომავლობის დადგენას. გაიძვერა ყაფლანიშვილი კრიმინალური დამნაშავეა, რომელიც უკანონო გზით ცდილობს ქონების დაპატრონებას და ძალადობს მდედრობითი სქესის წარმომადგენლებზე.
ვაჟა გიგაშვილმა რომანი – ,,ერთი ვინმე ყაფლანიშვილი“ თავის დროზე კინოს გადაღების მიზნით დაწერა, თუმცა მისი სურვილი არ შესრულდა, რაც შეეხება თეატრალურ ვერსიას რუსთავის თეატრი მას პირველად წარმოადგენს.
შემოქმედებითი ჯგუფი:
რეჟისორი: სოსო ნემსაძე
ავტორი: ვაჟა გიგაშვილი. ინსცენირება ედუარდ უგულავა
მხატვარი: აივენგო ჭელიძე, ნანა გაბელაია
კომპოზიტორი: ლევან ჯაფარიძე
რეჟისორის ასისტენტი: ინა ხომასურიძე
მოქმედი პირები და შემსრულებლები:
ნოდარ ყაფლანიშვილი – ბაჩო ქაჯაია / ნიკა გაგნიძე
იორამ შათირიშვილი (ისტორიკოსი) – ვაკო კობერიძე / ნიკა გვაზავა
ზეინაბი (იორამის ცოლი) – ანა მაქაცარია / ალექსანდრა თელია
გივი ვაშალომიძე – ზვიად დოლიძე
ჯოტო (ნოდარის მძღოლი) – ირაკლი ჯიშკარიანი
ზურაბი (ნაშინდარის გამგებელი) – სოსო ელიზბარაშვილი
გამომძიებელი – ლეონტი შიოშვილი
გრძელკეპიანი – გიორგი ტოჩილაშვილი
ჟორა (კაზინოს მფლობელი) – გიორგი ბუაძე
თეა (კაზინოს თანამშრომელი) – მაია ჯავახიშვილი
მინისტრი – არჩილ მაკალათია
პეტრე (ნაშინდარის მკვიდრი) – ნუკრი არჩვაძე
ნინა (სკოლის დირექტორი) – ეკატერინე ქვრივიშვილი
ნივთებით მოვაჭრე – რეზო კოღოშვილი, ლაშა კანკავა
გოდერძი (ნაშინდარის მკვიდრი) – რეზი ბაღაშვილი
ნიკო (ნაშინდარის მკვიდრი) – სპარტაკ კიკნაძე
კოტე (ნაშინდარის მკვიდრი) – კუკური ბექაია
გლეხის გოგო – ნანა ბიბილაშვილი, ნია ტოგონიძე
მიმტანი – ვატო სანიკიძე
