ნათლისღების დღესასწაულზე, დღეს, ნეირობალანსირების ცენტრს, საზოგადოებრივი გაერთიანება “ერთად დავძლიოთ აუტიზმის” დამფუძნებლები ეწვივნენ და პატარა ბენეფიციარები საჩუქრებითა და ტკბილეულით გაახარეს.
ეკა სეხნიაშვილი- აუტისტთა მშობლების გაერთიანება “ერთად დავძლიოთ აუტიზმის”-ის თანათავმჯდომარე “საოცარი შეგრძნებაა, როცა აუტისტური სპექტრის ბავშვებთან მიდიხარ და ესაუბრები. საოცრად ნიჭიერები, აღქმის უმაღლესი უნარებით და გამოხატვის ყველაზე კეთილი ფორმებით. ჩვენ ამ ბავშვებს უნდა დავეხმაროთ არა მხოლოდ ტკბილეულით ან საჩუქრებით, არამედ უნდა გავზარდოთ მათი ჩართულობა სოციუმში. განსაკუთრებით, მნიშვნელოვანია საზოგადოებრივი მხარდაჭერა და ინტეგრირება ყველა დონეებზე. მათ შორის, სახელმწიფოებრივი ჩართულობა მათი განვითარების ხელშეწყობისთვის. აუტიზმი დაძლევადია და თუ ჩვენ ყველა ერთად დავდგებით, ყველაფერს შევძლებთ”.
ხატია სიჭინავა-,,ნეირობალანსირების ცენტრის ერთ-ერთი დამფუძნებელი:
“ნეირობალანსირების ცენტრი შევქმენით ბავშვებისთვის, მოზარდებისთვისა და მშობლებისთვის, საჭირო და აუცილებელი თერაპიების სრულფასოვანი კომფორტული პროფესიონალური და ინოვაციური მიდგომებითა და სერვისებით. ცნობიერების ამაღლებისთვისა და სულიერი, ფიზიკური და ფსიქიკური ჯანმრთელობისთვის, როგორც ბავშვებისა და მოზარდებისთვის, ასევე მშობლებისთვის. ჩვენ გვჯერა, რომ ერთად ყველაფერს შევძლებთ.
ცენტრის ძირითადი და ყველაზე მნიშვნელოვანი ნიშაა მისი კვალიფიციური გუნდი, თამამად შეიძლება ითქვას, რომ ნეირობალანსირების ცენტრის თერაპევტები არაინ მაღალკვალიფიციურები და მოქნილები.
ნეირობალანსირების ცენტრის მზად არის გამოწვევებისა და სიახლეებითვის. „ჩვენ გვჯერა რომ ერთად ყველაფერს შევძლებთ”.
