ერგნეთში ინციდენტების პრევენციისა და მასზე რეაგირების მექანიზმის შეხვედრა იმართება

801
spot_img

ერგნეთში ინციდენტების პრევენციისა და მასზე რეაგირების მექანიზმის შეხვედრა იმართება. შეხვედრაზე მხარეები საოკუპაციო ხაზთან ბოლო ორი თვის განმავლობაში განვითარებულ მოვლენებს განიხილავენ.

როგორც შეხვედრის დაწყებამდე სუს-ის ანალიტიკური დეპარტამენტის დირექტორის მოადგილე ირაკლი ანთაძემ განაცხადა, მთავარი საკითხი უკანონოდ დაკავებული საქართველოს მოქალაქეების გათავისუფლება იქნება.

„წინა შეხვედრიდან დღემდე, საოკუპაციო ხაზთან უკანონოდ დააკავეს 12 ჩვენი თანამოქალაქე. აქედან ყველა მათგანი უკვე გათავისუფლებულია და იმყოფება საკუთარ ოჯახში. რაც შეეხება უკანონო ბორდერიზაციას, დაფიქსირდა 14 შემთხვევა. ძირითადად, გორისა და ქარელის მუნიციპალიტეტებში. შემთხვევათა უმრავლესობა უკავშირდება ე.წ. ხანძარსაწინააღმდეგო ხნულების გავლებას. ასევე იყო მეტალის ბოძების დამონტაჟების ფაქტი გორის მუნიციპალიტეტის სოფელ გუგუტიანთკარის მიმდებარედ. ეს არის უკიდურესად დესტრუქციული მოვლენა, რომელიც ისედაც ამძიმებს საოკუპაციო ხაზის ორივე მხარეს მცხოვრები ადგილობრივი მოსახლეობის ცხოვრებას“, – განაცხადა ირაკლი ანთაძემ