ერგნეთში ინციდენტების პრევენციისა და მასზე რეაგირების მექანიზმის ჯგუფის შეხვედრა იმართება.
შეხვედრაზე მთავარი საკითხი იქნება თამაზ გინტურის მკვლელობა. საქართველოს ცენტრალური ხელისუფლების წარმომადგენლები კიდევ ერთხელ მოითხოვენ მკვლელობაში მონაწილე პირების იდენტიფიცირებას და დასჯას.
ასევე, შეხვედრაზე ქართული მხარე უკანონო პატიმრობაში მყოფი საქართველოს მოქალაქეების გათავისუფლებას მოითხოვს. წინა შეხვედრიდან დღემდე რუსი სამხედროების მიერ საქართველოს ხუთი მოქალაქე იქნა დაკავებული უკანონოდ, ხოლო ქარელისა და გორის მუნიციპალიტეტებში საოკუპაციო ხაზთან უკანონო ბორდერიზაციის ხუთი შემთხვევა დაფიქსირდა.
