მწერალმა, ელიზაბეთ ჯინ კეროლმა აშშ-ის ყოფილ პრეზიდენტ დონალდ ტრამპის წინააღმდეგ ახალი სარჩელი შეიტანა. კეროლი, რომელმაც მანამდე აშშ-ს ყოფილი პრეზიდენტის წინააღმდეგ სექსუალური შევიწროებისა და ცილისწამების საქმე მოიგო, აცხადებს, რომ სასამართლო განაჩენის გამოცხადების შემდეგ ტრამპმა მას დამამცირებლად მიმართა. ჯინ კეროლის თქმით, აშშ-ს ყოფილმა პრეზიდენტმა განაცხადა, რომ „ის ზედმეტად მახინჯი იყო სექსუალური ძალადობისთვის“ და აღნიშნა, რომ არასდროს შეხვედრია კეროლს.
ელიზაბეთ ჯინ კეროლი სასამართლოში დონალდ ტრამპისთვის კომპენსაციის სახით, სულ მცირე, 10 მილიონი დოლარის დაკისრებას ითხოვს. სასამართლომ მწერალ ელიზაბეთ ჯინ კეროლის სექსუალური შევიწროებისა და ცილისწამებისთვის დონალდ ტრამპი დამნაშავედ ცნო, გაუპატიურების ბრალდება კი არ გაიზიარა.
