“ძალიან სამწუხარო და მძიმეა, როცა კახა კალაძე აკეთებს განცხადებას, რომ მას ვერ წარმოუდგენია თანამშრომლობა ოპოზიციასთან” – ხათუნა სამნიძე

95
spot_img

ხათუნა სამნიძე კახა კალაძის განცხადებას პასუხობს, რომელშიც თბილისის მერმა თქვა, რომ მისთვის, გამოცდილებიდან გამომდინარე, ევროკომისიის ახალი დათქმების შესრულების მიზნით, ოპოზიციასთან თანამშრომლობა წარმოუდგენელია. „რესპუბლიკური პარტიის“ ლიდერი ამბობს, რომ ევროინტეგრაციის პროცესი ოპოზიციისა და ხელისუფლების ერთობლივი თანამშრომლობის გარეშე შეუძლებელია.

„ვფიქრობ, ახლა აღარ არის იმის დრო, რომ ერთმანეთისკენ ხელი გავიშვიროთ და ამ რთულ განვლილ გზაზე ვილაპარაკოთ, არამედ შევხედოთ უკვე მომავალს და იმას თუ როგორ ვაპირებთ მომავალში რეკომენდაციების შესრულებას. ძალიან სამწუხარო და მძიმეა, პრობლემაა, როცა კახა კალაძე სულ რამდენიმე ხნის წინ აკეთებს განცხადებას, რომ მას ვერ წარმოუდგენია თანამშრომლობა ოპოზიციასთან. მაშინ, როდესაც ყველა რეკომენდაცია და ყველა ჩვენი პარტნიორის სიტყვა ადასტურებს იმას, რომ ვართ იძულებულები ვითანამშრომლოთ“, – განაცხადა სამნიძემ პარლამენტში სიტყვით გამოსვლისას.