“ძალიან გამიხარდა, ნიშნებია, რომ აფხაზეთი და სამხრეთ ოსეთიც დაგვიბრუნდება”- ლაშა პაპაშვილი

1995
spot_img

“ძალიან გამიხარდა, რაღაც ნიშნები არის, რომ მალე აფხაზეთი და სამხრეთ ოსეთიც დაგვიბრუნდება. ამის ნიშანია დათმობა, რომ ვიზას არ გვთხოვს, ანუ არაა ჩვენთან ომში.

ყველაფერი ჩვენზეა, როგორ მოვიქცევით, გამოვიყენებთ სასიკეთოდ თუ არა. ბევრი სიკეთე დავკარგეთ ქართველებმა. საფრთხილო ქვეყანა რომაა ფაქტია, მაგრამ ხომ ხედავთ, უდიდესი ქვეყნები, როგორებიც ინდოეთი და ჩინეთია, იმიტომ რომ 30%-ით იაფად ყიდულობენ, ყიდულობენ ყველაფერს იქ [რუსეთში]. რა ვქნათ, ხომ არ ამოვშალოთ ინდოეთი და ჩინეთი რუკებიდან?”.

ამის შესახებ ბიზნესმენმა  ლაშა პაპაშვილმა “ბიზნესფორმულასთან”   რუსეთის პრეზიდენტის, ვლადიმირ პუტინის განკარგულებაზე საუბრისას განაცხადა.

რუსეთის პრეზიდენტმა ვლადიმირ პუტინმა საქართველოს მოქალაქეებისთვის  სავიზო რეჟიმი გააუქმა.

პუტინის განკარგულების თანახმად, სავიზო რეჟიმი 15 მაისიდან გაუქმდება. ვიზის გარეშე რუსეთის ტერიტორიაზე ყოფნის უფლება საქართველოს მოქალაქეებს 90 დღემდე ვადით შეეძლებათ. ამასთან, ვლადიმერ პუტინმა რუსული   ავიაკომპანიებისთვის საქართველოში ფრენებზე აკრძალვაც მოხსნა.